راني الرجّي | بيروت بين الضوء والعتمة في زمن الحرب

راني الرجّي، مهندس وكاتب ومن مؤسسي Pub “Brazzaville”، بجلسة بين الضوء والعتمة، يحكي عن حقيقة المدينة وخيال الكاتب الّي بيتحوّل لكلمات على صفحات بتروي حكايات بيروت… مدينة ما بتخلص قصصها، وكل زاوية فيها بتخبي حكاية، وكل شارع شاهد على بداية جديدة.
بهالحلقة، منغوص معه بفكرة إنو بهالبلد، ما في خيار غير إنك ترجع تبلّش من جديد، مرّة ورا مرّة. منحكي عن المشي بالمدينة مش بس كتنقّل، بل كاكتشاف — للأماكن، وللناس، ولحكايات ما بتنشاف بالعين المجرّدة.
راني مش بس مهندس وكاتب، هو كمان دليل لمشوار مختلف ببيروت، وصاحب مبادرات إنسانية اليوم عم يكرّس وقته وجهده لدعم الناس المتضرّرين، عبر تشغيل مطبخ لتأمين وجبات للنازحين من الحرب. تجربة بتخلط بين المسؤولية، والإنسانية، والإصرار على الفعل رغم كل الظروف.
من الهندسة، للإغاثة، للأبوة، لإدارة الأعمال، للكتب، للفوتبول، وللعلاقات الإنسانية… حديث بيجمع بين الشغف، والواقع، والقوة الداخلية يلّي بتخلّي الإنسان يكمّل.
بـ #حكاية مع زينة زيادة